كلمات منظومة في حق سعادة الفريق مالك عقار اير رئيس حركة تحرير السودان نائب رئيس مجلس السيادة .احدي قصائد ديوان ملحمة الكرامة .
اسد الغابه مالك عقار
عقار يا ملك الملوك تاج راسنا
يا الصالة جزم ياكا ساسنا واساسنا
حفيد الفونج مو دلدول عدو التهميش
ما برضالنا ظلم حقاره واستعباد
جمل الشيل يعدل الميل
شايلنك علم نبراس شموع ضوابا
نبني بلدنا عدالة إخوة وانسانية
والله عقارنا قمرنا بشاره خير
قمر الليل سيرتك يمين ضوايا
مالكنا الهميم ما برضي تب بي رزايا
عهدنا بيك من شبينا
ساعة النار تقوم والدانة تطلق نارا
في وسط الجنود ثابت يمين ما اضارا
عارفاك المحاصات ساعة العركات
الغابات بتشهد في وسط الاسود شفناك
عشان دولة عدالة ووحدة والحرية
افنيت العمر وكلك انسانية
قاتلت القبيل هيمن علي سلطتنا
بالسيف والجبر الكان زمان سايقنا
للتحرير يا ملك قدمت ما ضنيت
اوفيت للبلد أدخلت فهم جديد
دولة عزة دولة اخوة مواطنة و قانون
رسالتك يا أسدنا رفعه للسودان
تحرير العقول من خطاب كراهية
واستعلاء بالعنصر قبيلة ولون
وكنت فينا النور وقائد ثورة التحرير
زرعتا أشجار نماء العزة وكرامتنا
عقار القائد يا بطل الليالي السود
سريع النهمة عقارنا الدود
عليك الشعب في الهامش وضع آمال
في الانقسنا في الصحراء وفي الغابات
ضهر الترعه في الفلوات
ومزارع جدك الخلاها لينا عمار
في كل بيت في السودان
منتظرين املنا كبير
انت القائد التحرير
براك عارف أهلنا هناك
في الدمازين و الفاشر
في عطبره ومروري في حلفا
في كوستي في كردفان في كسلا
وجبال النوبه بورتسودان
في كرنوي وفي الطينة
صبروا كتير تعاين ليك
وفيك خاتين عشم باكر
دولة عدل وديمقراطية
نطرد الجنجا من دارنا
ندوس علي العملاء يا ريس
ارضنا ما بتقبل عميل وخسيس
ابشر يا زعيم بالخير
الشاعر د.ابراهيم عبدالدائم الصديق
( ود نورالشام)
International peace ambassador
ibrahimsideeg@gmail.com
0125125216
