القصه التى حدثت لي مع نميري

كتبه حسن محجوب السماني في الفيس

كنت اسكن بالخرطوم تلاته جوار نادي الاسره وكنت ادرس المرحله الابتدائيه بمدرسة عبدالمنعم محمد شارع كترينا فى يوم من الايام ونا ذاهب الى المدرسه متاخر وانتم تعلمون ان هنالك عقاب لمن ياتي المدرسه متاخر بعد طابور الصباح كنت ارتجف خوف وابكي وكان الطقس بارد فصل الشتاء وكنت اخاف من الجلد 🤭 وكان هنالك بقاله امام المدرسه جلست مع صاحب البقاله متردد وخايف ان ادخل المدرسه وان اجلد 😭 وفكرت ان اعود الى المنزل ولكن حتى اذا عدت الى المنزل ساواجه سخط وغضب امى جلست وانا فى حيرة من امرى ماذا افعل 🙈 واثناء جلوسي وتفكيري توقفت سيارة عاديه يقودها رجل يلبس جلباب ونظارة سوداء وعمه نزل من سيارته وتحدث مع صاحب البقاله سأله عن اسعار السكر وبعض من المواد التموينيه فما كان من صاحب البقاله الا ان يصيح باعلى صوته سعادة الرئيس مرحب مرحب 😳 هنا قاطعه الرئيس نميري وقال له اخفض صوتك يارجل انا اردت فقط ان اعرف اسعار المواد التموينيه قال له الرجل الاسعار مستقرة ياسعادة الرئيس الحمدلله لاينقنصنا شئ فقام الرجل بفتح زجاجة بيبسي وقدمها للرئيس فنظر الرئيس الى ونا جالس امام البقاله وقال لصاحب البقاله هل هذا ابنك 🙂 فقال صاحب البقاله لا لكنه من ابناء المنطقه وانا اعرف والده ووالدته فقال له الرئيس نميري هات زجاجه اخرى من البيبسي ومعها كيس بسكويت 😭 جاء نميري وجلس بالقرب منى بعد ان اعطانى زجاجة البيبسي والبسكويت قال لي ( شايفك لابس هدوم المدرسه وشايل شنطتك بس قاعد هنا ليه المفروض تكون جوه المدرسه) رديت عليهو بكل نبرة خوف ( قولت ليهو انا جيت من البيت متأخر ولو دخلت المدرسه ح يدقوني ولو رجعت البيت امى بتقتلني 🙈) ضحك وقال لي اشرب البيبسي ورح المدرسه سوه وخلي زول يسألك انا ابوك 😭😭😭 والله فعلا انت كنت نعم الاب الله يرحمك المهم شربت البيبسي ودخلنا المدرسه وهنا الاستاذه اجتمعو ومدير المدرسه مندهشين متفاجئين مستغربين 😱 فخامة الرئيس نميري شخصيا 😬 المهم بعد. م استقبلوه نميري اتجول داخل المدرسه اتذكر دخل البوفيه بتاع المدرسه حتى الحمامات بتاعت المدرسه نميري ساف مستوى نضافته كيف ودخل الفصول ودردش مع الطلبه 😭😭😭😭😭😭😭😭😭 واخيرا سأل مدير المدرسه الناقصكم شنو😭😭😭😭 اتذكر كتب رقم تلفونو لمدير المدرسه وقال ليهو احتجتو حاجه اتصلو بي فى الرقم ده 😭😭😭😭😭😭 اتخيلو معاي رئيس جمهوريه يقول لمدير المدرسه احتجتو حاجه اضربو لي فى الرقم ده 😭😭😭😭 بعد شويه نميري ناداني وقال للمدير الولد ده مستواهو كيف المدير قال ليهو كويس من العشره الاوائل بس خواف مشكلتو خواف 😝 نميري هنا عاين لي وقعد يضحك وقال لي يازول المدير قال انك ماشاءالله شاطر وترتيبك من العشرة الاوائل لكن بتخاف من شنو 😝 شوف يازول نحن م دايرين خوف تمام عايزنك تقراء بكره تنفعنا وتنفع البلد دي 😭😭😭😭😭😭 المهم نهاية السنه كانت المفاجاة التى لم نكن نتوقعها لمن بوزعو لينا فى النتائج 😳 انا والعشرة الاوائل من فصلى كل واحد عندو دراجه هوائيه ( عجله دبل) هديه 10 دراجات اتوزعت علينا فى الطابور مع استلام النتائج مع التصفيق الحار هديه من فخامة الزعيم الرئيس جعفر نميري الله يرحمك حتى ابهاتنا وامهاتنا كانو مستغربين من المفاجاءة دي 🥰 اتذكر مدير المدرسه لمن بسلم فيني النتيجه والعجله مع التصفيق الحار كان بضحك وقال لي المره الجايه الله يستر تجينا متأخر وتجيب لينا معاك ريغن 🤣 قاصد رئيس امريكا فى الوقت داك . الله يرحمك نميري كنت الاب قبل م تكون رئيس 😭😭😭🙏 ولليوم نحن بنتذكر انا وصحابى وزملائي فى المرحله الابتدائيه الحدث ده نميري والعملو معانا 😭🙏