وقل اعملوا د/ عبدالله جماع فقط( بالعنكوليب) السودان من اثرياء العالم!!

وقل اعملوا

د/ عبدالله جماع

فقط( بالعنكوليب) السودان من اثرياء العالم!!

لخطورة هذا الموضوع اطلب من كل سوداني عدم قراءة هذا المقال. علي الرغم من انه ليس من بنات افكاري، وانما انا ناقل امين انقله كما وردني بحذافيره دون اي تصرف فيه. وبأسمكم جميعا انقل كل التحايا والامنيات الطيبة للاخ الذي ارسل الينا من امريكا هذه المعلومة المفرحة. فالي التفاصيل…منقول بي دهشة ولا دحشة

ما عارف

الموووووهم دي رسالة منقولة من زول في أمريكا قال لي: (تعرف قبل كم يوم كان في سمنار هنا عن بنزين الطائرات قالو حتي سنة 2030 لازم أي خطوط طيران تخلط البنزين حقها بي أقل شي 2 إلى 10 في المية من الوقود الصديق للبيئة المحاضر كان أمريكي من أصل إيراني.

تصور الراجل دا قال الوقود دا حا ينتج من نبات العنكوليب والدولة المرشحة لتكون رائدة في هذه الصناعة هي السودان وتحدث عن مشروع حلفا الزراعي والله طلع عارف حلفا أكتر مننا نحنا السودانين وقال السودان ممكن من مشروع حلفا فقط يدخل 40 مليار دولار في السنة وقال مفروض أي سوداني يعتبر نفسه من أغنى أغنياء العالم قال ممكن السودانيين ما يصدقوا الكلام دا لكن لو قلت لي سعودي قبل أكتر من 100 سنة إنتو حا تكونوا أغنى ناس برضو ما كان حا يصدق، وقال بعد 2030 حا يطلب من الطيران أن يكون الخليط بنسبة تتعدة ال 50 في المية.