الدلال في أغنية الحقيبة

بقلم :جمال النحاس

إن الدلال عند المرأة السودانية مرطبت بي مقومات الجمال كالبطر والتيه والترف والدلع والعجن هذي مجتمعه لمقومات الجمال عند المراه • احيانا نقول هذه المراه جميله وهذه سمحه وهذه انيقه والجمال والسماحه والاناقه وقد تختلف مغاييس الجمال في كل منهم علي حدا .الدلال يرتبط بالمراه بهذه الصفات عند المراه السودانيه وكما ان الدلال مرتبط بكل هذه الصفات الداعمه للتدلل عند المراه تكون معجنه ومدلعه ومبطره وتايها ومترفه وكل هذه الصفات هبه ونعمه من عند الله سبحان وتعالي خالق الكون والجمال والجمال في حدي ذاته نعمه من عند الله للناس حتي ينظورا ويتفكرو في خلقه الزي خلقه في احسن تقوييم • ومتعه للناظرين
وكما ان ورد في الكثير من غناء الحقيبه مفردة الدلال
خليل فرح جمع الدلال والعجن في اغنياته يقول بي اجمل الوصف المحير عن قيمة الجمال الزي ارتبط بالدلال والعجن
يقول
يا ام لسانا لسع معجن
كلمه كلمه وحروفه ضجن
ديل خدودك غير داعي وجن
ديل دموع من نظره سجن
دا دلال اليه ده دلال معجن
محن الامات يا رداح
ويقول في اغنية صباحك مالو
ذاد تيه ودلاله وحاله
الفي قلبي مين يوحالو
سيب الواقع ورضي محالو ولابد العيون تصحالو
وكما يوقول ايضا الشاعر محمد بشير عتيق في البطر والدلال في اغنياته
السحاب ما امطر يروي ساحة ربعك ومن شذاك اتعطر
ما تغزل شاعر في محاسنك وسطر
هاك سلامي الخالص يا جميل ياجميل يا مبطر
وليك جزيل اكرامي
ويقول ايضا في اغنية انا من صفاك مسحور
اهيف رشيق متبور يتهادي تيه ودلال
مابين غرف وزلال نعمه وترف وحبور
وكما يقول ايضا في اغنية شاغل فكري حبك
ذبد الحسن كسبك وانت رشيق مهفهف
يانع نامي خصبك
لكن يا مدلل تعرف اني صبك
وتعرف نوع سغامي وليه تحرمني طبك
ويقول مطلع اغنية يا جوهر الحسن الفريد
تيه في دلالك ونفرد يا جوهر الحسن الفريد
وكما يقول ايضا
في اغنية هل تدري يا نعسان
انا حالي ظاهر عاشق
نبيل يا جميل ليك حبي ظاهر
شاعر مجيد لقناك فنان وماهر
بسحر دلالك وكرم خصالك عشان جمالك
اهوي القمر والنيل واهوي الازاهر
ويقول ايضا
رشغتني عيونه وجذبتني عيون وبقيت مجنونه من اول نظره
هي اول نظره لم احذ حزره
غير اني هويته وفي قلبي اويته
قدرت جمالو واغراني دلالو
اوريه فنوني ويوريني فتونه
وكما يقول الشاعر عبيد عبد الرحمن في الدلال
جمالك يسعد الشلفك وصباحك يشرح الخاطر
مياسك ده الهلك ناسك ودلالك وبسمة الفاطر
عيونك.وازدهار لونك زهور وشمه الندي القاطر
وحك روح نسيم الروض اذا مذجه الشذي العاطر
ويقول ايضا في اغنية اذاك يا عيوني
وريني ليه ذتي انهمال
وريني كيف شفت الجمال
مسحوره بعيون الغزال الله يهدي الكان هداك
ويقو ايضا في اغنية افكر فيه وتامل
هواه بجسمي اتخلل
مجاري الدم اذا اتحلل
وقيع لي رضاك اتزلل
وما هماك يا سيدي ده واحد اصله مبتدلل
ويقول ايضا في اغنية حبيب الورح الي ما
يا العالي وتسامي
يا الطفل المدلل موصوف بالوسامه
اشرح ليك حالي والامي الجسامي
وعاديات الليالي شاهره علي حسامه
هل يا روحي احظي بنزظره وابتسامه يا القسومنا قسمه وما راعي انقسامه
وكما يقول ايضا الشاعر سيد عبد العزيز في الدلال
مفرح شوفته تفرح
يتلقاك باسم كالزهر المنسق في زمن المواسم
تشوف في مقلتيه حياه دلال وتيه
واللحظه المجورح والوجد المبرح
انا من دون اصرح لي قلب اصطفاه
وحسه هناك معاهو
وكما يقول ايضا في اغنية لي نيه في قمر السماء
عجبا ملاك ساكن حما
في حماية الحياه احتما
منعو الدلال يظهر حما
هلك النفوس واب يرحما من عجروا يا حامي الحما
ويقول ايضا
الفي دلالو وما اعظم جلالو استحل هلاكي وحرم حلالو مالو
ويقول في اغنية صباح النور
جلالو جلال ملكا منصور ودلالو دلال مقصور في قصور
وفيه جمال الكون محصور
بديع وما سافت مقله عصور
حيث الشاعر عمر يقول في الدلال
ياحبيبي جفيت
يا من دلالك ما فضيت وتعزيبي في حبك رضيت
سجلت نفسي وليك مضيت
مملوكك احكم ما قضيت
ويقول ليضا في اغنية في الحسن محبوبي
ما دام علي حسنك مكتوب الريد
والصيد عار منك النفور والوريد
ومتبره قامتك في الخصر حريد
تيه ودلل وافعل ما تريد
وحيث يقول ايضا
في الاهيف
ما لي نديم غير نجم الليل ونامي عديم
لو كان يا مدلل لي هجري تديم
اتعزب وتمنع حظي التقديم
ويقول الشاعر صالح عبد السيد / ابو صلاح/في الدلال في اغنية غزال الروض
حبك يمزج اعضاي اجمالي
لو كنت يمين يهواك شمالي
يا بديع ليه فيك راحة امالي
وكان مالو هواك يا مدلل ومالي
وقال اليضا
شوف العين قالت ده لالا
صدت من تيه ودلالا
ويقول في اغنية اعطف علي ياريم
انا يا جميل اهواك فعلا وقوله لسان
بالنغمه تسكرني .بالنظره واللمسان
فادع رجح خصرك .سيوف لحاظك سان
وانا يا مدلل قصدي من الحسن احسان
ويقول ايضا في كم نظرنا هلال
اري الهلال ينقص واري هحيه يتجلالو
وكل يوم يذداد في خدوده نور يحلالو
تتقاصر الابصار عن حسنه من اجلالو
ويتيه يصد باسم اه ما لذي دلالو
ويقول ايضا
الدلال والغرام عيوني
يا هنده جافي المنام عيوني
ويقول الشاعر عبد الرحمن في الدلال
يا جميل يا مدلل قلي ليه بس حكم الغرام قد حلل عزابي يدوم
ويقول ايضا
يا مدلل سيب دلالك ده
هاك قلبي اهدي ليك ورده
ويقول في في اغنية انا بيك سعاتي مؤكده
يا من علي حرب العشوق لحظك جيوشه مجنده
قامتك رطيبه كانها ما خوده من قطر الندي
ما الحكمه في كونك بخيل واهلك ارابيب الندي
اصلك بتدلل علي
ولا الحكايه معانده
تلك هي لوحات ابداعيه وصور جماليه في سياق نظم الشعر في اغنية الحقيبه ابداع منقطع النظير في وضع خط مسار الكلمه والمفرده في تبلورها الي معاني ساميه وقيم انسانيه في التداخل الفكري والثقافي والمعرفي لشعراء الحقيبه في سياغة نظم مفردة الادلال في اغنية الحقيبه الزين هم ظل عطاءهم ممتد اتجاه المتلقي السوداني لمثل هذه الاغنيات التي ظلت خالده بمضاميهنا الجميله والحانها الرائعه دوما وعطائهم مقدر تقديرا كبيرا بما تحمله الكلمه من معنى.