ضل الدليب   ودالشريف

ضل الدليب

ودالشريف

** هنالك فنانين اشتهرو وعرفو باغنية واحدة أو اغنيتين او ثلاثة وعلي سبيل المثال …عبد الدافع عثمان اشتهر بالاغنية الكبيرة ..مرت الايام …واغنية يوم البحيرة ….واحمد فرح .عرف باغنية البريدو مالو اتاخر بريدو.. وعمر الشريف اشتهر باغنية …انت يا راحل …. وابراهيم حسين لديه نجمة نجمة الليل نعدو واغنية خصام ..يخاصم يوم ويرجع يوم يعاتبنا .. وابراهيم موسي ابا اشتهر باغنية عيني عليك بارده يالسمحة يا الواردة وفتحي حسين أغنية العزيزة ..ورمضان حسن ..الزهور صاحية وانت نايم ..ورمضان زايد ..ليتني زهر في خدك الزاهي ومحمد حسنين ..يا سايق البوباي وصالح الضي …عيش معاي الحب واوعك تخلف الميعاد … وعمر احساس …دارفور بلدنا

 

** اكثر الفنانين انتاجا ….محمد وردي …..عثمان حسين ….سيد خليفة ….ابن البادية ..

ومحمد الامين اغنياته لا تتجاوز 40 أغنية

 

** فاتني في مرة سابقة ان اتحدث عن ثنائية الشاعر حسن عوض ابو العلا والفنان احمد المصطفي والتي اخرجت درر منها …سفري السبب لي ازاي

 

** من الطرائف انني وبعض الإخوة كنا نذهب الي المعلم محمد وردي في منزله بالمعمورة بالامسيات من حين الي اخر بعد عودته من امريكا ..وكانت لديه حديقة صغيرة أمام المنزل وشجيرات ترعي فيها غزلان صغيرة ..كنا نجلس في هذه الحديقة مع كبابي الشاي والقهوة ولا نمل ونسة وردي وكان لنا اخ دائما ما ياتي متاخرا ويشبك ليك وردي اسئلة …

يا استاذ بالله لحنت الحزن القديم دي كيف ده جن عديل ….يا استاذ بالله لحنت جميلة ومستحيلة كيف ….يا استاذ عليك الله لحنت بناديها كيف وهكذا يا استاذ يا استاذ ووردي يضحك ويقوليهو لحنتهم بالفهلوة يا اخ وفي واحد تاني قال للاستاذ والله انا اتخيلتك تقيف بعد ما عملت بعد ايه وخاف من الله والمستحيل والطير المهاجر .. يا استاذ دي حاجات جننتنا ..وجيت عملت الاصعب منها ..كانت جلسات لا تنسي

 

** ندمان جدا بانني لم اتشرف بحضور اي حفل جماهيري للاستاذ الفنان عثمان حسين ولا حفل للاستاذ سيد خليفة ولا للاستاذ محمد الامين ولا الكابلي ولكنني شاهدتهم كثيرا عبر سهرات تلفزيونية وتأسفت لان التلفزيون لم يحتفظ باي تسجيل للكبير

ابراهيم الكاشف وهنالك تسجيلات بسيطة لاحمد المصطفي وعبد العزيز داؤد

 

** الزميل الاستاذ علي الريح وعندما كان مديرا للبرامج في تلفزيون السودان كان التلفزيون في القمة …رياضة ودراما ومنوعات …كان فرسان في الميدان لحمدي بدرالدين وتحت الاضواء لحمدي بولاد ودنيا دبنقة لمحمد سليمان وفنان الجماهير لعبد المجيد السراج وعلي الريح هو من اسس برنامج الرياضة بالتلغزيون …..له التحية ويفترض يكرم من إدارة التلفزيون الحالية

 

** لا اعرف من هو مدير التلفزيون حاليا

 

** من يسأل عن حمدي بولاد وعن أسرة حمدي بدرالدين واسرة متوكل كمال ..وعن فريد عبد الوهاب …

 

** كانت هنالك مذيع لامع في هنا ام درمان اسمه

يسين معني …هل تذكرونه

 

** عبد الكريم قباني كان اجمل صوت تلفزيوني واحمد قباني كان اقوي واجمل صوت اذاعي وعمل في إذاعة صوت امريكا ولدينا اصوات قوية تعمل الان في قنوات الجزيرة والحدث والعربية

 

** أسوأ صوت تلفزيوني هو صوت تسابيح خاطر

 

** الزميلة الأستاذة فاطمة الصادق نجحت وبدرجة امتياز في إدارة قناة الهلال وتتألق الان في قناة البلد

 

** شادية عطا المنان نجمة كبيرة في إذاعة بلادي …تتمتع بصوت ملائكي

 

** بشير عباس لحن للكابلي

أغنية طائر الهوي واغنية حسنك امر من الحان ابن البادية وليس عبد اللطيف خضر

 

** الراحل السني الضوي فردة ثنائي العاصمة لحن اكثر من 83 أغنية …كل اغنيات ثنائي العاصمة من الحانه ولحن لصلاح بن البادية وابراهيم عوض وفنانة اسمها اماني لحن لها أغنية تقول بلقي الدنيا فرحة …لما اجيك تايه

وثنائي العاصمة في البداية كانو ثلاثي في وجود محمد الحويج وتوفي الحويج وأصبحا ثنائي السني الضوي وابودية

 

** دار الخرطوم جنوب للموسيقي خرجت كثير من الفنانين والعازفين ووردي وعثمان حسين من ابنائها وما زالت تعطي ولا ادري ان كان الفنانين جلال الصحافة وخالد الصحافة وفيصل الصحافة مرو بها ام لا

 

** عبدالفتاح الله جابو وموسي محمد ابراهيم تاريخ كبير في الموسيقي والاغنية السودانية والاخير لعب دورا كبيرا في اخراج انشودة قصة ثورة الملحمة لمحمد الامين والمجموعة بتلك الصورة ولحن ايضا أغنية ماضي الزكريات لعثمان مصطفي وتعد من اروع الاغنيات

 

** الشاعر الجيلي محمد صالح كتب ..ماضي الذكريات وكتب الحبيب قلبو طيب لوردي وعدد آخر من الاغنيات وكنت اعرفه معرفة شخصية وطلبت منه أن يحكي لي عن أغنية ماضي الذكريات ولمن كتبها ورفض رفضا قاطعا ….رحت في في حالك نسيتني ويقول ايضا انا بحاول انسي ريدك وانسي ماضي الذكريات

 

** في مرة قادمة بإذن الله نكتب عن شاعر افريقيا محمد الفيتوري

 

** هدي عربي تلقب بالسلطانة ومعتز صباحي يلقب بالقيصر واحمد الصادق يلقب بالامبرطور ومحمد بشير يلقب بالدولي ……ودنيا

 

** داير اصبر امامك وداير اضحك وماني قادر ……رحم الله سيف الدسوقي واحمد الجابري

 

** ترديده لاغنيات الكبار رفعت من اسهمه وشعبيته …اعني محمود عبد العزيز الذي غني لوردي …بعد ايه والناس القيافة وغني لابن البادية الجرح الابيض ولمحمد ميرغني تباريح الهوي وخدعوك لخضر بشير وخاتم المني للبلابل وليمون بارا لعبد القادر سالم وكثير من الاغنيات الأخري وانتج شريط بالعود شمل عشرة اغنيات من الحقيبة ولا اعرف كم هي عدد اغنياته

الخاصة

 

** عبد العزيز داؤد وحسن خليفة العطبراوي شكلا ثنائيا رائعا في فترة ما وقدما مدائح نبويه قمة في الروعة وعبد العزيز كان منشدا للمدائح

 

** كيف يهون عندك خصامي وترضي من عيني تغيب

 

** الممثل فضيل يحاول تقليد عثمان حميدة تور الجر.. ولن يصل تجربة الفاضل سعيد. البداية والنهاية في المسرح السوداني

 

** الفاضل سعيد الوحيد الذي كانت مسرحياته يتواصل عرضها شهرين وثلاث اشهر

 

** أطول عرض مسرحي كان في لندن لاحدي مسرحيات شكسبير واستمر عرضها 13 سنة دون انقطاع يليها مسرحيات عادل امام …شاهد ما شاف شيئ حاجة والود سيد الشغال والزعبم واستمر عرض كل واحد منها لفترة ثمانية سنوات وبضع اشهر

 

** في تقديري ان الشاعر العربي الاول هو نزار قباني وكنت احتفظ بمجلد كامل له نهبوه الجنجويد ….نزار غني له من السودان الراحل حمد الريح وغني له بالطبع

عبد الحليم حافظ ونجاة الصغيرة وكاظم الساهر واخرين

 

** عيونك زي سحابة صيف تجافي بلاد وتسقي بلاد

وزي فرحا بشيل مني الشقي ويزداد

وزي كلمات بتتاوه تتوه لمن

يجي الميعاد

وزي عيدا غشاني وفات وعاد عم البلد اعياد

وزي فرح البعيد العاد

وزي وطنا وكت اشتاقلو

برجل ليهو من غير زاد

بدون عينيك بصبح زول

بدون ذكري وبدون ميلاد