ما عاوزين لولوة

.. اضرب واهرب ..
عبدالمنعم شجرابي
*** ثمانية أشهر من الموت والجروح .. ومن المعاناة والضنك .. ثمانية أشهر من البكاء والنحيب والأسى والتأسي .. والدمار والخراب .. ثمانية أشهر من ( الحرب العبثية ) ثم ماذا بعد ؟؟
*** الفرص التي أضاعها الهلال أمام مرمى النجم هي ما بين ( سوء الحظ ) و( سوء التهديف ) وفلوران مطالب بمعالجة سوء التهديف ولا معالجة للجانب الآخر وقديماً قالوا سئ الحظ ( يطلعلو في الفشة عضم )
*** إبراهيم السنوسي يهاجم د.علي الحاج
( والناس في شنو والمؤتمر الشعبي في شنو )
*** ماذا لو انتصر النجم على الترجي أو لو انتصر اتلانتكو على النجم أو لو انهزم النجم وانتصر الترجي .. الخلاصة الهلال لا تهمه لو .. ولو .. ولو ولا علاقة له بهذه ( اللولوة ) الأزرق عليه الفوز في متبقي مبارياته ( وبس )
*** يقف على زملائه قدامى اللاعبين ويتواصل مع رموز النادي ومشجعيه .. هو الأول بمد اليد في الأفراح والأتراح يغذي هاتفه بالرصيد لينقل أخبار مجتمع الهلال العريض للأهلة هو الإنسان الجميل النبيل الخلوق ولنقف اللحظة بالتحية لوزير الشؤون الإنسانية ( بدولة الهلال ) الكابتن شوقي عبدالعزيز
*** يرقد الفنان الفخيم محمد ميرغني بمستشفى مدني مريضاً والمرض يأخذ فناناً والموت أخذ فناناً وفناناً وفناناً وبلادي ( لم تعقم ) لكنها لا ( تنبت ) فناناً من ( القادمين ) مثل ( القدامى )
*** قال بدعمنا ستنتصر أوكرانيا على روسيا بعدها قال لو لا دعمنا لدخلت روسيا كييف ومؤخراً قال على أوكرانيا الاحتفاظ بما لديها وليس استعادة ما فقدته هذه أقوال بايدن التي يواجهه بها المعارضون لدعم بلاده لكييف والدعم المهول ( تبخره الحرب ) والرسالة ليك
( يا المطير عينيك )
*** الزول ده طالع نازل .. الزول ده قايم قاعد .. الزول ده يلف ويدور الزول ده كلو سواهو وما قال لينا داير شنو
*** الحكام الأفارقة تحولوا من مربع ( القدح ) إلى دائرة ( المدح ) الحكام الأفارقة آخر عدالة ونزاهة ( وما تمشوا بعيد ) أنا أعني الحكام الأفارقة في كرة القدم
..

.. .