الليل في الأغنية السودانية
بقلم :جمال النحاس
الليل وما ادراك ما الليل •يقولون ان الليل قت الجبال والليل ستره والليل لازال طفلا يحبو •
وحين ما يائتي الليل بظلامه الدامس المرعب والمخيف الكل يهجد للنوم العميق وفي سبات وسكينه•
يائتي المغيب بفائه الاسود ليلتهم شفق الاصيل الاحمر الفاتح والاصفر الذهبي والاخضر يمتزجان مع بعضهم البعض ليشكلو لوحه ابداعيه جميلة المنظر في ساعة المغيب بالوانه الذاهيه وحينها تختفي الشمس عند المساء رويدا رويدا في خدرها ويسود الكون ظلاما دامسا لتئهيل دخول الليل ليكسو السماء مسحه جماليه لون السواد الداكن تحجبه فيه رؤية النظر وتكون معتومة البصر •
وحيث ورد مفردت الليل كثيرا في الاغنيه السودانيه مثال لاللحصر•
يقول الشاعر عبد الرحمن الريح•
انشر جناحك وميل
حي الربيع يا جميل
خلي الشمس تسكب ذهب الاصيل في النيل
في رياضك النضرات
والنور يسيل قطرات
محمرة العبرات
والروعه تستكمل
ويبقي المكان اجمل
من لوحة الفنان
كما ان نجد في الليل سرا عجيبا وقريب يكمن سره في الليل نفسه•يحل فيه الهدوء والسكون والطمائنينه والمناجه وتتلاء لاء فيه النجوم وتضئ الكواكب والبدور•يقول عبد الرحمن الريح•
يا نجوم الليل اشهدي علي لوعتي وتسهدي
علي بكاي وتنهدي
ويقول الشاعر احمد ابراهيم فلاح•
يا نجوم الليل الليل اليل
وانا شفت عليك البان ميل
ومحال البان لي وصالك انيل
وحيث قال الشاعر سيد عبد العزيز•
في اغنية اقيس محاسنك بمن يا الدره الما ليك تمن
عروضك زي عارضين صفن
حلال سحرك مو سحري فن
كواكب النور البلصفن
لخدودك ما بوصفن
بدور الكون لو يلصفن
يضئؤ ليك ما يكون وفن
وكما ان الليل فيه السهر ومناجات المحبوب من اسم الليل نفسه •الشاعر عبيد عبد الرحمن يقولفي هذا السياق•
الليل ما بنومه انا حارس نجومه
طول يا الليل وهود عاجبني طول الليل
الليل نسيمو عليل
الليل سكونه جميل
الليل به النساك تتامل الافلاك
الليل به العشاق تتزوق الاخلاق
نتاجي بالارواح ليشدة ما ترتاح
ما دايره تاني صباح
وكما ان الليل فيه كثير من المعاني وهنالك عبارات لفظيه مرتبطه باليل وهي اضافة كلمه لليل تشكل جمله مفيده ومعني اخر مثال•
الليل الهادي•الليل الهاجع• الليل الحالك• الليل الحلوك • الليل الدامس• الليل المظلم
الشعر عوض جبريل قال •
يا ظلام الليل العلي ما تزيلو
وعمر البناء قال•
في الليل الهاجع وغررد يا ساجع وازكر احبابي وهيج اشجاني
كما يقول الشاعر محمد بشير عتيق•
سحرك غريب وشخصك بعيد
لوكان قريب
انواره ماخده من غير سلوك
يبرق ثناك في غيهب الليل الحلوك
اظرف شمايل زاملوك وهم اكملوك
ادبك هبه وفيك موهبه شكل الظبا
وطبع الملوك
وكما ان الليل تقام فيه ليالي الطرب والفرح والسمر وفي اواخر هوايد الليل يكون الوداع
يقول محمد بشير عتيق •
مابنسي ليلة كنا تايهين في سمر
بين الزهور وانا وانت والنيل والقمر
وحيث قال الشاعر علي التنقاري •تلقي الدنيا باسمه واليام طرب
هنا في حي العرب
وحيث يقول الشاعر عبد الرحمن الريح في الوداع•
كان بدري عليك تودعني وانا مشتاق ليك •وكما يقول ايضا الشاعر عبيد عبد الرحمن في قيام ليالي الطرب •
كانت دنيا حلوه وما اسعد اياما
وليلاتنا الجميله ملتزمين قياما
نسهر في ضياءه و.نسخر من نيامه
وبما ان الليل تتجلي فيه الارواح وتلتقي وتسمو في سماء الطهر•
يقول ايضا عبيد العبد الرحمن•
ارواحنا الحبيبه في غمرة هياما
يا ماسعدنا فيها
ويا ك
ماكنا ياما
ىيقول عبد الرحمن الريح•
ذبت في حبك والفواد مجروح
ما فضل مني شئ خلاف الروح
هكذا الاشواق تسمو بالعشاق
من ثري الاشباح لي سماء الارواح
حيث تروي هناك للنجوم معناك
سابحه في علياك طاهره كل الاملاك
كما انا اليله في العشق والحب والوله•يقول عبيد عبد الرحمن•
انا طير محزونا لاني وحيد حبيبي غايب
واه يا طير تاني علي مصايب
من ادهي الغرايب
لي اقرب حبايب
بعدو وصدو عني
الخليل يقول •
يالليل صباحك مالو
احبابك جفوني ومالو
يا طول وسيبه في حالو
او حول عني زي ما حالو
كما ان الليله فيه متعة. السهر والتامل والتفكر •
يقول عبد الرحمن الريح•
انا سهران يا لليل اتعبني الصنا
ويقول ابو صلاح•
الليل الليل الليل ياجمال الليل
.يقول ايضا•
احسب دقايق الليل انا والنجم زملان
متابع هواك ومجافي الاهل والخلان
وكما يقول مصطفي بطران•
اطرد الاحلام يا جميل
واصحي قوم نقضي الليل
في ضفاف النيل ننشد الفسحه
وكما ان الليل فيه القيام والتهجد والزكار والتعبد حيث كتب الشاعر ابو صلاح اغنية يا لليل ابقالي شاهد وهو يشهد الليل علي قيامه والليل وهيامه سهره من اجل المحبوب وفيها قصه
بينما كان العارف بالله الشيخ غريب الله طيب الله ثراه وهو يقيم الليل زكرا وتجدا وتبعدا لله في مسيده بحي ود نوباوي في ام درمان في وقت السحر واذا به يسمع صوت يقول يا ليل ابقالي شاهد علي نار شوقي وجنوني
الي الخر الاغنيه وذالك في احد بيوت الافراح في حي ود نوباوي بالقرب من المسيد وتقف الشيخ عند سماعه للاغنيه فطلب من احد حيرانه ان يذهب لهذا الذي يناجي الليل ويستدعيعو فهم الحوار وذهب الي الفتي وفقال له الشخ غريب الله قال ليك تعال بناديك فتوجس الفتي وجاءته رهبهمن اسم الشيخ فذهب معه للمسيد مثل امام الشيخ وقال له نعم يا شيخنا فرده الشيخ قائلا له انت الولد الكنت بتقول في الكلام الستمعت ده يا الليل ابقالي شاهد
فرده عليه الفتي قائلا له نعم ياسدي فقال له الشيخ قول الكلام الكنت بتقول فيه
فما كان الفتي ولا صدح بصوته الجميل يردد يارلليل ابقالي شاهد علي نار شوقي وجنوني
يا الليل صار ليك معاهد طرفي اللي منامي ذاهد
دني لي سهرك واشاهد فوق لي نجمك ظنوني
لا تكون بالنظره جاحد حلمك في الميه واحد
.منك لي ربي شاحد بين ايديك يا حنوني
الي اخر الاغنيه
فصاح الشيخ وقتها صيحه داويه وهو يقول الله الله كائنما يشهد الليل علي قيامه •واخشيه عليه في الحال وسبحت روحه في سماء الروحانيات •
وكان ذالك الفتي هو الفنان كروما كروان السودان عبد الكريم عبد الله مختار.
