كردفان الحلم

كلمات الشاعر/محمد آدم الكردفاني

كردفان حره وابية
ليك آلاف التحية
⚘⚘⚘⚘⚘
خيرات وانسان من دهب
تنسي الهموم تنسي التعب
والتواصل شيمة بارزة وصالنا أوجب ما وجب
ابوتنا والأجداد وصايا في الضمير عهد انكتب
وكردفان حره وابية
ليها آلاف التحية
⚘⚘⚘⚘⚘⚘

ديل جبالك شاهده ليك
كل البطولات تشبهِك
فرسان وأبطال ملحمة
والبطولات شايلة ضي من ملمحك
يا كردفان العزه انهضي بي رجالك
وبي بناتك وضحكتك
⚘⚘⚘⚘⚘⚘⚘⚘

يا الأبيض غني خلى كل الناس
تعيد
وانثري الافراح في بارا
خليها للامال تجدد
دي البلد خيراتها وافره
وما بتكمل مهما فيها الناس تعدد
والوطن ما للقبيلة
ولا في زول بقدر يحدد
نحن ايدك يا وطن
وما في غاشم ليك يهدد